Cash contribution report
Ol artist we oli been recievem contribution fee blong ol committee i go long ol band were oli perform long 2015. i shoem ol amount mo name blong musician were oli sign.

 

14291924_904248332689_4689558835758142635_n

 

 

 

Follem complain we  i raise up long social media wea i kam out long YUMI TOKTOK STRET concernem fee money blong participation fee blong last year. comiitee i kam out blong cleanrem ol outstanding issue were i raise up ia.

Hemea hemi explaination blong ol committee follem issue were i raise up long social media. were current chairman blong committee Mr. Mathew Hardwick i explain se oli been givem  money i go long ol artist blong tallem tok tankyu long ol artist mo bai hemi helpem olgeta long recoverem some expense blong olgeta be i no performance fee.

“Fes long hemea, ol commitee i confirmem se oli been pem Ol artist we oli been recievem contribution fee blong ol committee i go long ol band were oli perform long 2015. i shoem ol amount mo name blong musician were oli sign”.

Mifala i bin luk aotem transport, kakae blong accomodation blong lokal artists blong Santo, 26 Roots mo Desmon Wolam, blong kam tek part long event ia tu wetem assistance blong Vanuatu Ferry.Mifala i bin kat sam competition last yia wea i mifala i peyem recording studio mo musik video blong 4 lokal artist grup, blong oli save rikodem ful album mo ol single trak blong olgeta.

Fest’Napuan hemi wan fri musik festival wea hemi fri long pablik blong oli kam wajem show ia. Yumi no putem wan “entry fee” blong kam wajem show ia, yumi no mekem wan profit thru long event ia mo pablik i no spendem eni mani blong lukim event ia.  Yumi stap sapotem Fest’Napuan blong kat wan event wea ol International Artists i save sherem stage wetem ol Lokal Artists blong enkarajem development blong talent blong olgeta mo blong leftemap standard blong musik long Vanuatu.

Thru aot long last 20 yia, event ia hemi continue blong stap gro mo nao ia hemi kam wan bigfala event wea plenti man mo artist long region oli save gud nem ia, “Fest’Napuan”.

Even tho Fest’Napuan hemi kat ol bigfala ekspens olsem blong haerem sound system, ol laet, video equipment, blong bildim stage, mo blong peyem ol kakae mo transport blong ol artists – yumi laki long sapot blong ol lokal bisnes haos olsem TVL mo UNELCO blong mitim sam blong ol nids ia. Sale blong ol stalls, wea ol man oli save salem kakae mo kava, hemi sapotem smol budget blong Fest’Napuan tu.

Evri detail blong faenans blong Fest’Napuan 2015, ol ekspens mo inkam blong event ia komiti hemi stap putem long “Financial Ripot” long website blong mifala: www.festnapuan.vu

Mifala ol voluntia mo ol musician nomo i stap work long komiti blong Fest’Napuan mo mifala i stap traem best blong mifala blong kiv han long event ia. No kat eni profit long event ia i ko eni memba blong komiti blong Fest’Napuan.

 

Mifala i trae hard blong mitim sam blong ol ekspens blong ol artist blong Fest’Napuan- be mifala i no peyem eni “performance fee” long eniartists – inkludem ol International Artists – blong oli kam perform long 5 day musik festival ia.

Ol International artists wea oli kam – mifala i luk aotem ol ekspens blong olgeta nomo – blong airfare, lokal transport, accomodation mo kakae.  Plenti taem ol sponsor olsem Air Vanuatu, Alliance française, Melanesian Hotel, Coconut Palms mo Au Bon Marche i stap kiv hand blong mitim ol ekspens ia. Sam ekspens mifala i peyem ol komuniti memba long Pango, Mele mo Port Vila blong letem haos blong olgeta mo blong fidim ol International Artists long wan gudfala praes.

Mifala i traem blong work wetem ol artists blong promotem eni album or merchandise blong olgeta long taem blong show tu. Ol artists i save kipim evri mani thru long eni sales blong olgeta. Wan problem nomo se plenti artists blong yumi oli no stap produsem tumas album o merchandise blong salem long last yia.

Sapos mifala i start blong peyem wan bigfala “performance fee” long evri artists long 5 day festival ia – Fest’Napuan bambae i mas faenem plenti more sponsor o bambae hemi mas kam wan praevet show wea evriwan i mas peyem blong wajem. Mifala long Fest’Napuan komiti i no wantem mekem se event ia hemi kam olsem wan praevet show o wan praevet bisnes – mifala i wantem sapotem wan show wea pablik i save kam wajem mo enjoyem even sapos yu no kat eni mani blong peyem tiket.

Mifala i stap trae hard blong faenem sponsor blong Fest’Napuan evri yia. Last yia mifala i bin kat wan “outstanding” o kaon blong klosap 1 million VT –wea mifala i trae hard wetem ol smol smol fundraising blong putem bak mani ia long yia ia.

Mifala long komiti i no fosem eni artists blong perform long Fest’Napuan.  Sapos eni artist hemi wantem perform long praevet show nomo from mani (sapos hemi no klat long smol 10,000 VT mifala i kivem blong mitim sam ekspens), hemi raet blong olgeta blong oli no filemap application blong ple long Fest’Napuan.

Mifala i stap mekem wan fri pablik event ia olsem long Reggae Fire, Christmas in the Park, Kiv Hand Festival, etc – wea mifala i dipen nomo long ol sponsor mo sale blong stall blong mekem event ia i posibol. Mifala i wantem bildemap “biggest” pablik musik festival long Vanuatu wea audience, stage mo sound sytem bae i naes tumas long yia ia.

Mi askem eni nara man o woman wea olgeta i kat hart, sapos yufala i rili interest blong kiv hand long ol lokal artists blong yumi- blong yufala i mas plis kam voluntia long komiti blong Fest’Napuan mo kiv hand blong faenem sam more sponsor blong mekem event ia i save continue blong grow long future.  Inaf blong tok tok nomo, plis traem kivem taem blong yu olsem wan voluntia sapos yu rili konsen. .”

Chairman i tallem out long NAK Media

 

14233148_1787584458192512_1496034011644873108_n
Photo credit: Fest Napauan

 

 

Advertisements